自家製腸粉食譜 煎版 食譜 做法

自己係屋企突然之間想食腸粉 , 但係又搵唔到個腸粉機出黎 , 所以就改做用易潔鑊煎腸粉 ~ 同大家分享做法 :

蔥花口味 :

粘米粉 75g , 鹽 1 茶匙 ,  水 210-250 g , 蔥花適量 ,  油 1-2 湯匙 ( 煎左第一塊就知夠唔夠滑 , 唔夠滑加 1 匙油就可以 ) ,  全部混合 , 放 30 分鐘之後 , 再攪均就可以煎 , 越薄越滑架 !

紫薯口味 :

粘米粉 65g , 日本紫薯粉 15g ,  鹽 1 茶匙 ,  水 250 g , 油 1-2 湯匙 ( 煎左第一塊就知夠唔夠滑 , 唔夠滑加 1 匙油就可以 ) ,  全部混合 , 放 30 分鐘之後 , 再攪均就可以煎 , 唔使反轉架 , 變晒色就熟架啦 !  再用鑊剷卷埋就可以 .

煎既時候 , 好少油就夠 , 我係用廚房紙抹一抹個煎鑊

如果可以有多一個煎 Pan , 咁就可以煎好之後 , 放一陣先卷 , 就會易 D , 大家可以隨意放任何餡 , 例如叉燒都唔錯架 !

天氣 , 唔同既粉, 都會影響水份需要多少 , 多水 , 油 便會軟一點 , 太多使卷不起來 !

叉燒做法 > http://carlong.blogspot.com/2014/10/blog-post_83.html