呢幾日既下午茶

每日下午茶都唔知整咩好 !  所以一個人既時候 , 多數都係食即食麵 - 超級唔健康 , 嘻嘻

戒左好耐既奶茶 , 最近又飲番 !   要戒要戒 !

檸檬茶都唔見得健康 !

冬瓜茶 , 芝士火腿三文治

今次個冬瓜茶唔係自己煮 , 係買現成再煮開就可以 , 好方便 , 不過風味就唔同啦 !

日式炒麵 , 我好鍾意呢種甜甜酸酸味道

日式冷麵 , 其實係為左玩個冷麵機 ^^

http://youtu.be/perhsUpXzvs?list=UUHe20rGsiMZkoGjJCxmtTBg

http://youtu.be/0GMe9485TjE?list=UUHe20rGsiMZkoGjJCxmtTBg

瑞士雞脾

三文治係用星野天然酵母做 , 大愛 !

http://youtu.be/yQicXWBY9LI?list=UUHe20rGsiMZkoGjJCxmtTBg

白神天然酵母 與 星野天然酵母 做麵包

白神酵母使用前培養方法 : http://carlong.blogspot.hk/2014/09/blog-post_36.html

星野天然酵母使用前培養方法 : http://carlong.blogspot.hk/2014/10/blog-post_15.html

星野天然酵母吐司－BMS-106 用 mode 20

昭和 hi-neon 300g ，糖 17g , 鹽 5g，水 180g ，星野天然酵母液種 25g

星野天然酵母 首烏黑芝麻麵包 附食譜 麵包機 Panasonic BMS-106 bread maker

星野天然酵母吐司－BMS-106 用 mode 20

昭和 hi-neon 280g ， 首烏黑芝麻粉 20g , 糖 17g , 鹽 5g，水 180g ，星野天然酵母液種 25g

麵包機 星野天然酵母 紫薯方包 附食譜 Panasonic BMS-106 Bread Maker

天然酵母做出黎既麵包 , 真係比乾酵母  / 快速酵母 好太多 !  可惜係香港好難買 , 亦都好貴 , 50g 就要 $40 !!!  不過健康無價 ^^

星野天然酵母紫薯方包 食譜 材料 :

高筋麵粉 280g

日本紫薯粉 20g

糖  17g

鹽  5g

星野天然酵母液種 25g

水 180g 

全部放入麵包機 > 程式 20 

我唔知道係唔係我先會有呢個問題 , 就係 D 粉經常會飛落發熱線 !

所以攪拌時我會加個蓋 :P

個色好吸引 , 不過係食唔到紫薯味道

個色本來好靚 , 可惜近影 , iphone 就影唔到 !

遠少少會色就出番黎

攪左咁耐 , 要飲杯茶休息下

沖奶茶 ^^

麵包自家製 熱狗包 星野天然酵母 附食譜

我喜歡用星野天然酵母 同 白神天然酵母 , 佢地既香氣 , 味道 , 麵包既質感 , 乾酵母係做唔到 !

今次熱狗包加入紫薯粉 , 增加食物纖維

好啦 , 寫食譜啦 !

星野天然酵母液 30g , 高筋麵粉 ( 昭和 Hi-Neon ) 280g , 日本紫薯粉 20g , 糖 18g 或 蜜糖 15g , 鹽 5g , 涷水 170-180g 

因為日版 BMS-106 麵包機有做天然酵母麵團既功能 , 咁今次就交比佢攪麵團啦 !

攪好佢就會發出響聲提醒妳 , 取出麵團之後 , 排氣 > 做型 > 噴水 > 包保鮮紙 或 用發酵布 遮住發酵至 2-3 倍大 >  塗上蛋汁 , 灑芝麻 > 160-180 'C 焗 6-10 分鐘即成

利用麵包機星野天然酵母培養方法 熱狗包

我用日版 Panasonic BMS-106 麵包機培養星野天然酵母 , 比起用風乾機方便

方法 :

星野天然酵母 50g , 水 100g ,  攪勻 , 放入麵包機附送既星野天然酵母培養桶內

蓋上蓋 , 按 程式 22 , 等待 24 小時就可以使用

星野做出黎既熱狗包十分鬆軟 , 仲帶獨特香甜味