芒果拿破崙食譜 Caramelito café 食譜 布丁蛋糕食譜 - Le Creuset 花煲份量

本來發酵時都幾靚仔 ,  但係出到黎個頂就唔圓 :(

金牌吐司食譜 - 羊奶吐司 - 超軟吐司 mode 2 http://carlong.blogspot.hk/2014/12/mode-2.html

唔利既麵包刀 , 切到一檯都係麵包碎 :P

整左好耐無食既奶醬多士

配焦糖咖啡

小朋友又想食榴槤

3 人前 , 鹽焗雞翼 , 七味粉雞軟骨 , 麵豉湯 , 白飯

昆布 海草 白木耳 麵豉湯

餐飲 蜜桃梳打

芒果拿破崙 食譜

酥皮 :做法 : 材料份量來源 - 甜點教科書

材料 A

高粉 65 g 

低粉 65 g

牛油 15 g ( 切 2 cm 正方體 )

冰水 70 g

--------------

材料 B

牛油 100 g 

******************************************

製作酥皮過程繁復 , 窒內溫度不能高 , 牛油唔可以溶 , 要準備好冰格 , 過程中要不斷要放入冰格冷藏 . 檯面要十分清潔 ,  準備好就開始啦 !

1, 首先 鹽同冰水混合

2. 高 & 低粉混合 , 加入材料 A 既牛油 , 冰水 , 用刮板切既方法 , 切 > 拌 > 切 > 拌 ( 重復 ) 方法直至成糰 , 切開面糰 2 份 , 將 1 份麵糰 放係另 1 份麵糰上面 , 輕輕壓下 , 壓至面積大一倍時 , 重復   切開面糰 2 份 , 將 1 份麵糰 放係另 1 份麵糰上面 , 輕輕壓下 , 壓至面積大一倍時 , 重復  ...... 直至粉同牛油完全混合 , 包保鮮紙放入冰格 30 分鍾 ( 其間牛油溶化前就要先放入冰格雪硬再取出 ) , 

3. 工作檯面灑高粉 , 放上已雪 30 分鐘既麵糰 , 碌成 2 cm 厚 既長方型 , 當平均分成 3 份 , 左右向中間摺 ( 呢個時侯應該係 15 cm 既正方型 ) , 再重復碌成 2 cm 厚 既長方型 , 當平均分成 3 份 , 左右向中間摺 ( 呢個時侯應該係 15 cm 既正方型 ) , 再重復 .....包保鮮紙放入冰格 30 分鍾  , 重復 2 - 4 次 ,   包保鮮紙放入冰格 1 小時就可以用 .

4. 預熱烤箱 220-230'C 

5. 酥皮麵糰從冰箱取出放 30 分鐘 ( 比較軟身 , 可以碌薄時就可以 ) 

6. 可分成 2 份 , 每份碌薄成 25 cm x 17 cm , 表面用叉拮孔 , 放回冰格雪 15 分鐘先焗 .

7, 焗 10 分鐘 , 轉 190'C 焗多 20-30 分鐘 , 取出時放係放涼架放涼 - 備用 .

**************************************************************

芒果吉士餡

1.  牛奶 260 g 加 雲呢拿夾 半支 ( 雲呢拿夾 1 開 2 , 刮出籽放入奶內 , 外殼都可以一齊放入 ) , 煮 2 分鐘 - 隔渣備用

2. 蛋黃 2 個 同 糖 60 g 用手提打蛋器打至挺身 , 加粟粉 22 g 混合 , 將已煮好既牛奶 ( 1 ) 慢慢倒入 , 邊攪拌 , 再邊攪邊加熱至黏稠 , 離火 , 隔水座係放滿冰既盆上面攪幾下 - 備用

3. 淡忌廉 150 g 用打蛋器打至稍微企起 , 加糖霜  12 g , 打至企身 , 再與 ( 2 ) 輕手混合 , 放入唧花袋 - 備用 .

4. 酥皮平均切成 3-4 份 ,  另隔水座溶白朱古力 , 薄薄掃上酥皮 . ( 3 ) 吉士醬 平均唧上酥皮上 ,

5 . 組合 : 酥皮 > 吉士醬 > 芒果片 >  酥皮 > 吉士醬 > 芒果片 >酥皮 > 吉士醬 > 芒果片 , 咁就完成啦 , 希望大家喜歡 .

冰凍Caramelito café 食譜 :

製作方法

﹣ 將2杯調製好的 Caramelito 頂級品咖啡倒入搖酒器中。

﹣ 加入2勺雪糕並將其搖勻，即可製成冰沙混合物。

﹣ 然後倒入食譜玻璃杯中並加入3湯匙碎冰。

﹣ 以咖啡機內置的蒸氣棒或 Aeroccino 打奶器製作奶泡，並緩緩地倒入玻璃杯中。

﹣ 最後澆上焦糖糖漿於奶泡上作裝飾。

http://www.nespresso.com/ultimate-coffee-creations/HK/cn/iced-caramelito-cafe.html

*********************************************************

布丁蛋糕食譜 - Le Creuset 花煲份量  :

食譜係分開 2 個食譜 , 1 個係焦糖布丁 / 布甸 , 另外一個係雪芳蛋糕 ,  個別做出黎都係一個好味既甜品 .

焦糖部份 :

糖 50 g + 水 15 g , 煮成焦糖 , 加水 180 g , 熄火 , 果凍粉 8 g + 糖 20 g 混合 , 加水 20 g , 混合後加埋入焦糖水內混合 , 放至仍固 , 先做布丁同蛋糕部份 . 我就趕時間等唔到 :P

******************************************

雞蛋布丁 / 布甸 食譜 :

1 . 3.6 牛奶 300 g + 淡忌廉 50 g + 糖 90 g  + 雲呢拿 1 支 , 開半刮 D 籽放入 , 夾一樣放入 , 煮溶 D 糖就可以 .

2. 全蛋 5 個 , 打勻 ( 唔需要起泡 , 加入已放涼 ( 1 ) 牛奶內混合 , 過篩隔渣 .

******************************************

雪芳蛋糕 / 戚風蛋糕 食譜 :

鮮奶 40 g

牛油 50 g

低粉  40 g + 粟粉 10 g ( 過篩混合 )

蛋黃 4 個 , 蛋白 4 個

霖酒  5 g

糖 60 g

做法 :

1. 鮮奶  細火煮熱 , 加入粉類 混合 , 備用

2. 蛋黃用打蛋器打鬆 , 加牛油溶液 , 打鬆 , 用摺手法混合 ( 1 ) , 加 酒 混合 .

3. 蛋白打企 , 加糖打發 , 取 1/4 與 ( 2 ) 用摺手法輕輕混合 , 混合後倒入剩餘 3/4 蛋白糊內混合 .

*****************************************************

布丁蛋糕做法 :

1 . 預熱焗爐 200'C , 底盤加水一齊預熱

2. 花煲內焦糖仍固後 ,  過篩倒入 雞蛋布丁 / 布甸糊 , 再輕手放上雪芳蛋糕 / 戚風蛋糕麵糊 , 

放入焗爐 , 焗 5 分鐘 , 轉 180'C 10 分鐘 , 轉 140- 160'C 焗 20 - 30 分鐘 至熟 , 放涼 , 放入雪櫃 , 雪凍就可以倒出食用 .

焦糖部份

糖 50 g + 水 15 g , 煮成焦糖 , 加水 180 g , 熄火

果凍粉 8 g + 糖 20 g 混合 , 加水 20 g , 混合後加埋入焦糖水內混合

3.6 牛奶 300 g + 淡忌廉 50 g + 糖 90 g  + 雲呢拿 1 支 , 開半刮 D 籽放入 , 夾一樣放入 , 煮溶 D 糖就可以 .

全蛋 5 個 , 打勻 ( 唔需要起泡 , 加入已放涼 ( 1 ) 牛奶內混合 , 過篩隔渣 .

蛋白打企 , 加糖打發

混合後倒入剩餘 3/4 蛋白糊內混合 

因為我個焗爐太細 , 個頂燶左 :P 

今晚甩模之後再補番相