家中狗狗睡姿 :P

我家毛孩係好懶既狗狗 , 佢地會等待我叫佢地先肯起身 ! 比熊永遠都係一齊睡

姿姿同 joy joy 呢排 friend 左 , 平時姿姿只係同 mymy 一齊睡

雲雲睡到睇唔到樣

姿姿由細到大都要痴住 mymy 一齊

joy joy 睡醒未梳洗既樣 >.<

真真會 "lam" 污嘈 joy joy >.<

真真霸左 joy joy 個私家位

雲雲睡醒成身都好亂 >.<

昨晚打邊爐

羅漢果 煲 南北杏

芝士海鮮焗飯 做法 韓國泡菜食譜 做法 風琴焗薯做法

芝士海鮮焗飯 做法 :

洋蔥 , 蕃茄切粒

用欖油炒香 , 加米 300g 炒 , 加雞湯或水 200g - 300g , 芝士 攪勻 , 加鮮磨黑椒 , 海鹽 , 140'C 焗 25 分鐘 , 加入海鮮 , 芝士 , 蓋上蓋入焗爐 多焗 10 分鐘 , 燜多一陣即可

如果加蕃紅花會更好味

焗大啡菇 , 風琴焗薯做法 :

焗薯洗刷乾淨 ,  表面由上而下密密切 , 不要切斷底部 , 用欖油 , 鮮磨黑椒 , 海鹽 , 香草 , 放滿整個焗薯片與片之間 , 有油接觸薯片既位先會脆 , 200'c 焗 20 - 30 分鐘就可以 , 放芝士碎香草 , 焗多一陣芝士溶就可以進食 .  

鮮奶用士多啤梨味飲管

昨日買到日本大白菜 ( 旺菜 ) , 今日用黎整泡菜 , 整泡菜有好多唔同做法 , 都係睇個人口味就可以 , 做法可以好簡單 , 可以好講究 ,  做多幾次了解之後 , 大家就可以搵出自己喜歡既味道 . 我自己就次次都會用唔同材料 , 最重要買到靚材料就可以 .  今次韓國泡菜做法如下 :

首先用海鹽灑滿菜面

要用重物壓住 , 用鑄鐵鍋岩晒 !  大約半日至一日就可以

韭菜洗乾淨切段 , 洋蔥切絲 , 甘筍切絲 ( 先用鹽醃 , 出水之後扭乾水份 ) , 薑 , 蒜 , 蘋果搗碎成茸 , 糯米粉 + 水 煮成糊狀放涼 , 加入韓國辣椒醬 , 韓國辣椒粉 , 糖 , 韓國魚露 , 如果喜歡可以加梅汁 , 梨汁 , 韓國魷魚醬 , 櫻花蝦等等都會令層次更豐富

大白菜經鹽醃 , 沖洗次後隔水 ( 都有人係唔會沖水 , 直接扭乾水就用 )

醃醬調好次後可以試味 , 要預番泡菜發酵次後會因為乳酸菌而有酸味 , 鹹味會降低

每層菜都塗滿醃醬 , 放好係玻璃盒 , 放雪櫃可以慢慢發酵 , 亦有人唔放雪櫃放室溫發酵

今日甜品係 Nutella 綿花糖 Pizza

綿花糖表面脆 , 但係內心係拉到絲 , 軟綿綿 

象仔真空保溫壺十分鐘湯圓做法 狗牙刷 朱古力噴泉 hello kitty tomy 車仔 Le Creuset 媽咪鍋烏冬

象仔真空保溫壺十分鐘湯圓做法 :

黑糖 

薑汁

一包急涷湯圓 , 今次用小寧波 16 粒裝 , 因為可以岩岩放晒入去暖壺內 (真空罐 ) 

加入滾水 ( 我係用暖水壺既熱水 ) , 等 10 分鐘就可以食得 !

10 分鐘就有得食 , 十分方便

今日行街收獲豐富 ^^

終於都買左朱古力噴泉 ^^ , 個彈波波玩具毛孩十分喜歡 !

買左個新牙刷比狗狗 , 呢個有 timer ,  可以方便唔使另外計時間

午餐

行到倦 , 同小朋友食快餐 , 今次 burger king 無想試既新包 !

終於買到佢啦 !  行左幾間 , 平左 $0.1 !  toy "R" us 賣 $59.9 !

返到屋企又肚餓 , 煮左 2 個烏冬 , 用 18cm 岩岩好 !

火腿奶油津白 做法 甘筍肉丸粥 毛孩日常清潔用品

火腿奶油津白好簡單 , 好易做 , 一鍋有湯有菜清清地

只需要薑片 , 牛油 ,  鮮奶 或 淡奶 , cream stew 粉 , 金華火腿 , 津白 , 放入鑄鐵鍋 ( 我今次用 32 媽咪鍋 ) , 蓋上蓋 , 用細火煮熟就可以 , 十分簡單 ^^

煮好之後用筷子攪勻即可

食埋最後 2 個粉果

早餐 甘筍肉丸粥

26 cm 鑄鐵鍋用 150 - 250 米就可以有一鍋粥

毛孩日常清潔用品

蕃茄薯仔鹹豬手湯 朱古力曲奇 鹹牛肉麵包

早餐 只係煮即食麵

小雪貓呢個傻豬 , 以為自己入籠就有街去 , 傻瓜 !

整芝士蛋糕 ......

不過用錯左鹽當糖 ~.~  個蛋糕唔食得 !

晚餐 蕃茄薯仔鹹豬手湯

火槍無氣 , 焗爐又焗緊蛋糕 , 所以就無得焗豬手 !  只好就咁食 ! :P

蛋糕太鹹食唔到 , 整曲奇做甜品代替 :P

鹹牛肉麵包 

麵包係用呢個食譜 http://carlong.blogspot.hk/2014/11/100.html