staub 鑄鐵鍋焗鹽焗雞 , 雞蛋
鹽焗雞做法 :
雞用粗海鹽洗刷乾淨 , 沖水 , 剪去肥膏 , 用廚房紙抹乾 , 刷上薑汁酒 , 再塗上鹽焗雞粉 , 雞肚內除鹽焗雞粉外, 放滿薑片, 蔥白, 芫茜 , 雞腳屈番入肚內 , 鑄鐵鍋底放薄薄一層海粗鹽 , 放雞 , 蓋上蓋 160'C 焗 30 分鐘 , 之後唔好開蓋燜多十多二十分鐘 , 開蓋用針拮入脾位 , 無血水流出就熟 , 如果有溫度計就 65'C , 通常夠乾身 , 唔開蓋焗個皮都會脆 , 如果唔夠脆 , 打開蓋大火 OR 用 GILL 焗一陣就可以
雞既大細係會影響焗既時間 , 所以有焗肉用既探熱針會好 D
雞入面既薑蔥芫茜既水份會令隻雞焗完都水嫩 , 所以一定要夠多 , 蔥只用白色部份 , 薑要用嫩薑
用粗鹽洗刷隻雞內外 , 沖水 , 用廚房紙抹乾 , 先用薑汁酒內外抹勻 ( 目的係沖走肉既雪味 ) , 再調味 , 用鹽麴 / 醬油麴 會入味好多 .
沒有留言:
張貼留言