材料比例如下 -
日本醬油 1 : 味醂 1 : 日本清酒 1 : 冰糖 1: 鰹魚高湯 5 ( 用鰹魚碎 , 日本昆布加水煮一陣就可以隔渣用 , 懶 D 就可以用鰹魚粉 ) , ( 食材相片係最下面 )
先用大量薑片 , 蔥段 , 洋蔥放入鑄鐵鍋內 , 少少油 ( 粟米油 , 麻油均可 ) , 加蓋用最少火慢慢煮香 , 之後加入所有汁料細火煮 - 備用 ( 可以試味 , 再作加減至自己口味 , 因為每個牌子食材味道都唔一樣 )
五花腩 2 KG ( 因為上次 1 KG 太細卷唔到 :P ) , 洗乾淨去毛 , 用廚房紙印乾 , 用玫瑰露 + 薑汁 + 海鹽 或 鹽麴塗勻整片肉醃 15 分鐘以上 , 用繩卷埋 , 扎實一點煮好先唔會散 , 放入醬汁中 , 大要大火 , 中細火煮 1 小時 , 唔好開蓋燜 1 小時 , 再中小火煮 1 小時 , 再燜 1 小時 , 取出叉燒肉 , 再煮醬汁至濃 ( 如果唔點汁食呢個部份唔使做 ) , 汁濃就熄火放回叉燒 , 加蓋浸到食時先取出
記著 , 大火就 UN 加啦 !
要再好 D , 可以先用火燴左舊薑用洋蔥先用 , 會香好多
日式叉燒仲有一個懶人食譜 , 日本醬油 加 忌廉汽水 , 薑片 , 蔥 就 OK 可以做成醬汁 !
仲可以個汁滾左之後 , 放入已經卷好, 扎實既五花腩 , 小心放入鑄鐵鍋內加蓋 , 60 - 65 'C 煮 5 小時 , 唔好開蓋 , 熄火燜至汁液全部涼就可以 .
食之前先隔開 D 醬汁 , 要涷先切得靚
西班牙豬腩
如果有時間 , 烚蛋去殼之後浸係做日式叉燒既醬汁入面浸過夜會好好味 , 做溫泉蛋除左用煮蛋器 , 仲可以用暖壺 , 方法如下 :
燜燒罐 / 真空壺 整 溫泉蛋 不同牌子暖壺測試
簡單煮個烏冬又一餐
食湯麵 , 用即磨芝麻香好多 !
今日收獲
我用左呢個壺幾年 , 今日佢平左好多 !
今日原來一田特價 , 排隊又改路 , 人又多 ! ~.~ 暈 !
今日去完街返到屋企見到小冰係我張床瞓到烏下烏下 ~ 仲賴埋尿添 ^^ 傻豬黎既 !!!
調味料 :
鹽麴除左健康 , 味道層次更豐富 , 可以買現成 , 亦可以自製 :)
沒有留言:
張貼留言